مكنتش أعرف إن موضوع التعديلات الدستوريه هيشغل بال الناس للدرجه دى ...جيت النهاردة داخل السنتر الى باخد فيه الكورسات لقيت الناس عمالين يتناقشو فى الموضوع دة , ولما شافتنى البنت الى بتشتغل فى السنتر سكتت الكل وقالت : أهو يا جماعه محمد جه أهو وهناخد رأيه ... هتروح يوم الإتنين يا محمد ؟هكذا لقيت 12 زوج من العيون بيبصلى بمزيج من التساؤل ومحاوله معرفه النتيجه ...هروح فين يا جماعه ؟هتروح تقول رأيك فى موضوع التعديلات الدستوريه ؟لاء !ليه ؟عشان مش بروح أقول رأيى فى حاجه محدش مهتم فيها برأيى من أساسه ! إنتو مش فاهمين إن كله مترتب ومتظبط ولا إيه ؟قال لى أحد العاملين فى السنتر :أيوة بس دة ميمنعش إنك لازم تدلى بصوتك برضو !سبحان الله يا أخى ... أقول صوتى ليه وأنا عارف إنه مش هيتعمل بيه ومش هيغير حاجه !أيوة بس برضو تبقى عملت الى عليك ..إستمريت فى موقفى الرافض .. بصراحه أنا ضد مبدأ ( يبقى إسمى عملت الى عليا وخلاص ) ... بعتبرة نوع من الغباء .. دة الى بيخلى الطالب يستمر فى تسطير وتنظيم ورقه الإجابه فى نفس الوقت الى هو مش عارف إجابه أى سؤال وكدة كدة هيشيل المادة ! ودة الى بيخلى مهندس الكمبيوتر يعيد نفس خطوات تنزيل الويندوز ألف مرة وهو عارفه ومتأكد إنها مشكله هاردوير مش سوفت وير !سألتنى زميلتى عن التعديلات دى أصلا هتكون عبارة عن إيه , حاولت اقولها الكلمتين الى أنا أصلا فاهمهم , يا بنتى التعديلات هتتناول حاجتين أساسيتين , بالإضافه لحاجات كتيرة طبعا لكن الحاجتين دول هما :أولا :هيبقى من حق أى ظابط شرطه تفتيش أى بيت بدون إذن من النيابه .ثانيا :هيتشال الإشراف القضائى على الإنتخابات .سألتنى البنت الى بتشتغل فى السنتر سؤال ذكى أوى ...طب ماهو دايما البيوت بتتفتش منغير إذن , والإشراف القضائى مجبلناش حاجه !قلتلها :ماهو دة كان بيحصل على إستحياء , يعنى مش عينى عينك , وكان بعض الناس بتقدر تاخد حقوقها بعد كدة لإن الى حصل معاها مكنش قانونى , دة غير إن أذمه القضاه عملت سمعه سيئه للإنتخابات المصريه فى الخارج ... هو الى كان بيحصل زمان هو نفسه الى هيحصل دلوقتى , الفرق الوحيد إن كل شىء أصبح رسمى وعلنى !المسخرة كلها حصلت لما زميلى الإخوانى دخل , وأنا كنت بتكلم عن إن نفسى أشوف واحد من الـ 99.9 % الى بيكونو موافقين على التعديلات الدستوريه دايما , لما إحنا دلوقتى مجموعه من حوالى 10 أشخاص بنمثل كل الإتجاهات الدينيه والإجتماعيه والسياسيه وكلنا رافضين أمال مين بيوافق ؟الإجابه كانت من صاحبى الإخوانى الى قالى :على فكرة كل النصارى هيوافقو على التعديلات دى ... البابا بتاعهم قالهم كدة و ....تعرفون أنتم حساسيتى الشديدة من مثل هذة النوعيه من الحديث , حفاظا على صحه جنسيه مستقره أشحت بوجهى بعيدا عنه حتى لا أكون مضطرا للبصق عليه , وهو ليس إسلوبى المفضل فى إدارة الحوار , ناهيك عن إستعماله لفظه ( النصارى ) وكإننا فى شبه الجزيرة العربيه , أعتقد أنه سيستقل الناقه بعد الكورس إلى منزله !قلت فى الأول إنى مكنتش أعرف إن موضوع التعديلات الدستوريه هيشغل الناس كدة ...
مصطفى فتحىأميرة حسنالوعى المصرىمنال وعلاء
مالكوم إكسكل دول إتكلموا عن التعديلات الدستوريه , أنا بس تناولت الأمر من ناحيه شخصيه شويهوكل تعديله وحضراتكم طيبين
مصطفى فتحىأميرة حسنالوعى المصرىمنال وعلاء
مالكوم إكسكل دول إتكلموا عن التعديلات الدستوريه , أنا بس تناولت الأمر من ناحيه شخصيه شويهوكل تعديله وحضراتكم طيبين
3 comments:
Nice post man ! Don't stop posting. I think your style is funny anf entertaining.
Nice post man! Dont stop. I think yur style is funny and entertaining.
جميل البوست بس ياترى انت الى كاتبه ولا ناقله ؟ ولو ناقله ليه مكتبتش المصدر ؟ هيا ماما مش علمتك برضو لما تنقل حاجه تقول مصدرها ولا تلطشها زى الحراميه كدة ؟ واضح ان ماما معرفتش تربيك كويس يا جيفارا وانا هناقش الموضوع دة معاها المرة الجايه وانا باخد دش عندكم .. يا تربيك على انك تكتب مصدر مواضيعك يا إما ههجرها فى الفراش
Post a Comment